د گاڤەكا گرنگ دا بۆ بلندكرنا پیڤەرێن دڵنیابوونا جوری ل دەرگەهێن سنووری، رێزدار پێشوار جەمیل یونس، كارمەندێ كومپانیا نیو ستاندەرد، ب سەركەفتیانە خولەكا تایبەت یا راهێنانێ وه‌ك رێڤه‌به‌رێ كوالیتێ دا تەمام كر. ئەڤ خولە، ب ناڤێ "خولا ئامادەكاری بۆ ڕێڤەبەرێ كوالیتێ یێ پەسەندكری ژ لایێ ASQ - ئامادەكاریا باشیا رێكخستنێ"، ل سەنتەرێ لەندەن پریمیەر ل كوالالامپور، مالیزیا، ژ ٢ هەتا ٦ێ ئەیلوولا ٢٠٢٤ێ هاتە گێران.
بەشداریكرن و وەرگرتنا بەلگەنامێ ژ لایێ رێزدار پێشوار ڤە، جەختێ ل سەر پابەندبوونا بەردەوام یا كومپانیا نیو ستاندەرد بۆ پاراستنا بلندترین پیڤەرێن چاڤدێریا كوالیتێ د هەمی كاروبارێن خۆ دا دكەت. پشتی ڤێ دەستكەفتنێ، رێزدار پێشوار دێ ئەركێن فەرمی وەك رێڤه‌به‌رێ كوالیتێ یێ پەسەندكری وەرگریت، كو دێ پتر بەشداریێ د ئەركێ كومپانیێ دا كەت بۆ دابینكرنا پیڤه‌رێن باش ل دەرگەهێن سەرەكی یێن سنووری.
ئەڤ دەستكەفتە دیاردكەت كو كومپانیا نیو ستاندەرد پابەندە ب پێشڤەچوونا بەردەوام یا كارمەندان و باشیا كاركرنێ د تاقیكرنێن تاقیگەهی و ڕێڤەبرنا كوالیتێ دا.
كوردى 
English 
العربية