شاندكێ رێڤهبهریا كونترولا جورى یا دهرمانان یا كوردستان (KMCA) سهرهدانهكا مهیدانی بۆ تاقیگهها دهرمانان یا کۆمپانییا نیو ستاندارد ل ههولێرێ کر، بۆ چاڤدێرکرنا کار و چالاکیێن تاقیگههێ یێن دهستپێکری. ئارمانجا سهرهدانێ ئهو بوو کو ژێرخان و رێکارێن تهکنیکی یێن تاقیگههێ بهێنه ههلسهنگاندن، و پشتراستکرن ژ پابهندبوونا وان ب ستانداردێن تهندروستی و کوالیتیێ یێن ل ههرێما کوردستانێ پهسهندکری. شاندێ كورتیهكا روونكرنان ژ ستافێ تهکنیکی وهرگرتن، ل دۆر میکانیزمێن پشکنین و کۆنترۆلکرنێ یێن تاقیگههێ بکارئیناین، بۆ مسۆگهرکرنا کوالیتی و سهلامهتیا بهردهوام یا بهرههمێن دهرمانی. د دهما سهرهدانێ دا، کۆمپانییا نیو ستاندارد جهخت ل سهر پابهندبوونا تهمام یا خۆ کر ل گهل ستانداردێن خۆجهی و نێڤدهولهتی یێن کۆنترۆلکرنا کوالیتی و پشکنینێ، و دیارکر کو پهرهپێدانا تاقیگههان بناغهیهکێ سهرهکیه ژ ستراتیژیا کۆمپانیێ بۆ دروستکرنا باوهریێ ب بهرههمێن دهرمانی و پشتگریکرنا سێکتۆڕێ تهندروستی ل دهڤهرێ. ئهڤ سهرهدانه د چوارچۆڤێ ههڤکاری و ههماههنگییا بهردهوام یا د ناڤبهرا ههردو سێکتۆڕێن گشتی و تایبهت دا بئارمانجا زێدهکرنا خزمهتگۆزاریێن تاقیگههێ و مسۆگهرکرنا بهردهستبوونا دهرمانێن سهلامهت وب كولیتهیهكا بلند بۆ وهلاتیان.
شاندەکێ ژ رێڤەبەریا گشتی یا کاروبارێن خۆپاراستنا ساخلەمیێ یا هەرێما کوردستانێ، ب سەروکاتیا د. ئاسو حمید زەنگەنە، سەرەدانا تاقیگەه و یەکێن کومپانیا نیوستاندەرد ل کومەلگەها دەروازێ نێڤدەولەتی ئیبراهیم خەلیل کر. شاند ژ لایێ سەرپەرشتێ لابورێ و ستافێ کارگێری و زانستی یێ لابوران ڤە هاتە پێشوازیکرن. ئارمانجا سەرەدانێ ئەو بوو کو شاند ژ نێزیک ئاگەهداری رەوش، چاوانی و مێکانیزما ئەنجامدانا کارێ لابوران ببیت. ل داویا سەرەدانێ، شاندی دەستخۆشی ل ستافێ کومپانیێ کر ژبەر کارێ وان یێ ب ئاستەکێ زانستی و ب بکارئینانا ئامیرێن سەردەم و پێشکەفتی. هەروەسا شاندی پالپشتیا خۆ بۆ پێنگاڤێن داهاتی دیار کر و کارێ لابورێ ب ئاستەکێ بەرز هەلسەنگاند.