شاندەکێ فەرمی ژ دەستەیا پیڤەرسازی و کۆنترۆلا جۆری یا سەر ب وەزارەتا پلاندانانێ ل هەرێما کوردستانێ سەرەدانا تاقیگەهێن کۆمپانیا نیوستاندەرد ل کۆمەلگەها دەرگەهێ ئیبراهیم خەلیل یێ نێڤدەولەتی کر. د ناڤ شاندی دا رێڤەبەرێ چاڤدێریا کوالیتێ هەبوو، و گەڕیانەکا ل تاقیگەهان هاتە ئەنجامدان.
رێڤەبەرێ کۆمپانیێ و جێگرێن وی و لیژنا زانستی ب گەرمی پێشوازی ل شاندی کر. سەرەدانێ ڤەکۆلینەکا بەرفرەه یا تاقیگەهێن کۆمپانیێ ڤەگرت، کو تێدا گفتوگۆ لسەر چالاککرن و هەماهەنگکرنا هەولێن هەڤپشک د وارێن پیڤەرسازی و چاڤدێریا کوالیتێ دا هاتنە بةحسكرن. گفتوگۆ ب ئارمانجا بدەستڤەئینانا هەماهەنگیێ دگەل پێشکەفتنێن زانستی و بازرگانی ل دەرگەهێ ئیبراهیم خەلیل یێ نێڤدەولەتی بوون.
د دوماهیکا سەرەدانێ دا، شاندی پەسنا ئاستێ پێشکەفتنا تەکنیکی و زانستی یا کو تاقیگەهێن کۆمپانیێ بدەستڤەئیناین دا، و تەئکید لسەر دلسۆزیا دوولايهنی د هەولدانێ دا بۆ گەهشتنا ئاستێ بلند د وارێن پیڤەرسازی و چاڤدێریا کوالیتێ دا کر.
رێڤەبەرێ کۆمپانیێ سەرۆکاتیا کۆمبوونەکا گرنگ کر کو ل پرۆژەیا DPWorld دهۆک ل دەڤەرا سێجی هاتە گرێدان، ب هەڤکاریێ دگەل شاندەکێ ژ وەزارەتا بازرگانی و پیشەسازیێ. د ناڤ شاندی دا کەسایەتیێن دیار هەبوون، ژ وان رێڤەبەرێ گشتی یێ بازرگانیێ، رێڤەبەرێ گشتی یێ هاریکار بۆ کاروبارێن هنارتن و هناردەکرنێ، رێڤەبەرێ کۆمپانیا دنیا میراک و جێگرێ وی، هەروەسا رێڤەبەرێ KMCA ل گومرکا سێجی، رێڤەبەرێ خالا گومرکێ ل سێجی، بەرپرسێ ئەمانەتێ ل سێجی، و بەرپرسێ پەیوەندیان.
گفتوگۆیێن د کۆمبوونێ دا لسەر مۆلەتێن بازرگانی، چارەسەرکرنا ئاستەنگێن کو بازرگان روبەرو دبن، و ڤەکۆلینا رێکێن باشترکرنا ئاڤاهیان بۆ هاسانکرنا کارێن بازرگانیێ هاتنە چەقاندن. ئەڤ هەڤکاریە دئارمانج دە کو کاریگەریا بازرگانیێ بهێزتر بکەت، ئاستەنگان دەرباز بکەت، و ژینگەهەکا گونجای بۆ گەشەکرن و پێشڤەچوونا کاران پەیدا بکەت.
د. موەفەق سلێمان قاسم، بەڕێڤەبەرێ گشتی یێ کۆمپانیا نیو ستاندارد ل کۆمهلگهها ئیبراهیم خەلیل، ب گەرمی پێشوازی ل شاندەکێ ژ فڕۆکەخانا نێڤدەولەتی یا هەولێرێ کر. د ناڤ شاندی دا تەلار فایق، ڕێڤەبەرا گشتی یا فڕۆکەخانا نێڤدەولەتی یا هەولێرێ، نوێنەرێن کۆمپانیا فڕینێ یا ئەلمانی لوفتهانزا، جێگرێ ڕێڤەبەرێ گشتی یێ گومرگێ ل هەرێما کوردستانێ، و ڕێڤەبەرێ گومرگێ ل فڕۆکەخانا نێڤدەولەتی یا هەولێرێ هەبوون. سەرەدان ل سەر دیتنا تاقیگەهێن کۆمپانیا نیو ستاندارد، چاڤدێریکرنا تاقیکرنێن تاقیگەهێ یێن بەردەوام، تێگەهشتنا کارێن دامەزراوێن کۆمپانیێ، و هزرکرن ل سەر جێبەجێکرنا سیستەمەکێ کونترۆلا جوری یا هەڤشێوە ل فڕۆکەخانا نێڤدەولەتی یا هەولێرێ.
كوردى 
English 
العربية