9

سەرەدانا هاریکارێ سەرۆکێ حکومەتا هەرێما کوردستانێ

بەرێز (د. محمد حاجی) هاریکارێ سەرۆکێ حکومەتا هەرێما کوردستانێ بۆ کاروبارێن تەندروستی و ب یاوەریا بەرێز (د. گوران میرزا) رێڤەبرێ لابورا مەلبەندی KMCA ل هەولێرێ، سەرەدانا تاقیگەهێن کومپانیێ کرن ل کومەلگەها دەروازێ نێڤدەولەتی ئیبراهیم خەلیل کر وهاتنە پێشوازیکرن ژلایێ بەرێزان سەرپەرشتێ لابورا کومەلگەهێ و جێگرێ سەرپەرشتێ کومەلگەهێ و ستافێ کارگێری و زانستی ل لابورێ، دیسان یاوەریا شاندێ مێهڤان هاتە کرن ژبۆ سەرەدانا پرۆژێ DPD ل دەڤەرا سێجێ و ژنێزێک هایداربوو لسەر سیستەمێ کاری ل پرۆژێ ناڤبری. هەروەسا سەرەدانەکا هەڤپشک هاتە ئەنجامدان بۆ رێڤەبەریا گشتی یا ساخلەمیێ ل پارێزگەها دهوکێ ب مەرەما هەماهەنگی و رێکخستنا کارێ پشکنینا خوراک و دەرمانێن هاوردە د رێکا سنورێ نێڤدەولەتی ئیبراهیم خەلیل

1

تيمێ کۆمپانیا نیو ستاندارد بەشداری د خولەکا راهێنانێ یا پشکنینا قركرێن کیمیایی دا ل ئیستەنبولێ دکەت

تیمەک ژ شیرەتکار وپشکینەرێن تاقیگەهێن کومپانیێ پشکداری کر د خۆلەکێ دا لدور بەرهەڤکرنا نموونا بۆ پشکنینا قڕکەرێن کیمیکی د بەرهەمێن چاندنێ و خوارنێ دا، ئەوا کو هاتیە رێکخستن ژلایێ کومپانیا ئینتەرتێک یا بەریتانی ڤە ل وەلاتێ تورکیا/ئیستەنبول.

2

خۆلا بەرهەڤکرنا هەلسەنگێنەرێت لابورا یا سالوخەتا (ISO:17025:2017)

لسەر داخوازا وه‌زاره‌تا نه‌فتا عيراقێ، شاندەکێ کارمەندێن سەر ب وەزارەتا ناڤبری ڤە كو پێكهاتبوو ژ (٣٩) كارمه‌ندان سەرەدانا لابورێن كۆمپانى یا مەکر ل کۆمەڵگەها دەروازێ نێڤدەولەتی ئیبراهیم خەلیل ل رۆژيت ١٥و١٦و١٧/٩/٢٠١٩، ب مەرەما پشکداریکرن د وورك شۆپه‌كا پراكتيكى يا (٥) پينچ ڕۆژى دا ل رێكه‌فتى ١٥- ١٩/٩/٢٠١٩ لژێر ناڤێ (بنه‌جهبوون و پشتراستبوون ژ رێكێن پيڤانێ) ژ پرۆگرامێ ئاماده‌كرنا هه‌لسه‌نگێنه‌رێن لابورا لدويف سالۆخه‌تا (ISO:17025:2017).پشتى سه‌ره‌دانا لابورێن كۆمپانىێ‌كرين و ژنێزيك ئاگه‌هدارى چه‌وانى يا ئه‌نجامدان وبرێڤه‌چوون ورێكخستنا كارى بووين، كۆ ژلايێ كارمه‌ندێن لابورێن مه‌ ڤه‌ بۆ هاتيه‌ شرۆڤه‌كرن، خۆشحالى يا خۆ ده‌ربڕین لسه‌ر ڕێكوپێكى يا برێڤه‌چوونا كارى. پاشان چه‌وانى يا هه‌ژماركرنا بنه‌جهبوون وپشتراستبونێ ژ رێكێن پيڤانێ، بۆ هاتە شرۆڤەکرن ب پشكدارى يا كارمه‌ندێن مه‌ وكارمه‌ندێن كۆمپانى يا ئينته‌رتێك يا هه‌پشكا كۆمپانى يامه‌ دكارى دا لدويڤ پێدڤیا هەماهەنگیا هەڤپشک، پشتى هينگێ دان وستاندن هاته‌ ‌كرن وپرسيار هاتنه‌ ئازراندن وبه‌رسڤا وان ب روونى هاته‌ دان.

4

سەرەدانا بەرێز وه‌زیرا کشتوكال و ژێدەرێن ئاڤێ بۆ لابورێن كومپانیا نیوستانده‌رد ل دەروازێ نێڤدەولەتی ئیبراهیم خەلیل

بەرێز وه‌زیرا کشتوكال و ژێدەرێن ئاڤێ خانم (بێگه‌رد تاڵه‌بانى) و ب ئامادەبوونا به‌رێز سەرپەرشتێ کومەلگەها ده‌روازێ نێڤده‌وله‌تى ئیبراهیم خه‌لیل و رێڤه‌به‌رێ گومركا ئیبراهیم خه‌لیل دگه‌ل به‌رپرسێن گه‌ره‌نتینێن كومه‌لگه‌هێ سەرەدانا لابورێن كومپانیا نیوستاندارد کر ل دەروازێ نێڤدەولەتی ئیبراهیم خەلیل و هاتنه‌ پێشوازیكرن ژلایێ به‌رێز رێڤه‌به‌رێ كومپانیێ.nمه‌ره‌م ژ ڤێ سه‌ره‌دانێ ئه‌و بو كو ژ نێزیك ره‌وشا لابورێن كومپانیێ و چاوانیا برێڤه‌برن و ئه‌نجامدانا كارى ل لابورێن كومپانیێ و گه‌ره‌تینێن گرێدایى ب لابورێ ڤه‌، خانم بٍێگه‌رد تاڵه‌بانى پشته‌ڤانیا خۆ دیاركر بۆ كومپانیێ ژبۆ پێكڤه‌ چاره‌سه‌ركرنا هه‌ر گرفت و ئاریشه‌كێ، هه‌روه‌سا پالیشتیا وه‌زاره‌تا کشتوکالێ ژبۆ زێده‌تر گرنگیدان ب‌ كوالیتى كونترولێ وپشکنینا کەرەستە وبەرهەمێن چاندنێ یێن هاوردەکری و دوپاتكردنا رۆلێ تاقیگه‌هێن كومپانیێ وفه‌رمانبه‌رێن سه‌ر ب لابور و یه‌كه‌یێن لابورێ ڤە به‌رز نرخاند ب تایبه‌تى رۆلێ به‌رێز رێڤه‌به‌رێ كومپانیێ وستافێ لابوران كو ب دلسوزى و ماندیبونه‌كا زۆر كار كریه‌ و ئاسته‌كێ به‌رز پێشكێش كریه‌.

4

سەرەدانا شاندێ پشکا خۆپاراستنێ تەندروستی ل هەردوو پارێزگەهێن هەولێر وسلێمانیێ بۆ لابورێن كومپانیا نیوستانده‌رد

بەرێز رێڤەبەرێ کومپانیێ ل دەروازێ نێڤدەولەتی ئیبراهیم خەلیل پێشوازیا شاندەکی کر ژ پشکا خوپاراستنا تەندروستی ژ رێڤەبەریێن گشتی یێن تەندروستی ل پارێزگەهێن هەولێر وسلێمانیێ. پشتی کو شاندێ مێهڤان میکانزما کاری ل لابورێن کومپانیێ دیتی، گەنگەشێن تێروتەسەل هاتنە ئەنجامدان سەبارەت کەتوارێ کارێ زانستی وپشکنینێن لابوری یێن دهێنە ئەنجامدان ب ئاستێن زانستی یێن نوی وب ئامیرێن سەردەم، وژبەر وێ چەندێ رێککەفتن هاتەکرن لدور ئالوگورکرنا شارەزایێن زانستی وبەردەوامیا زانستی دناڤبەرا شاندێ مێهڤان وستافێ زانستی یێ لابورێن مە ب مەرەما ئێکخستنا سیستەمێ کارپێکری ل هەمی پارێزگەهێن هەرێما کوردستانێ.

8

سەرەدانا شاندەکێ ژ وەزارەتا تەندروستیا عیراقێ بۆ تاقیگەهێن نیو ستاندارد ل دەرگەهێ ئیبراهیم خەلیل یێ نێڤدەولەتی

رێڤەبەرێ کۆمپانیا نیو ستاندارد ب گەرمی پێشوازی ل شاندەکێ ژ وەزارەتا تەندروستیا عیراقێ کر ل دەرگەهێ ئیبراهیم خەلیل یێ نێڤدەولەتی. د دەمێ سەرەدانێ دا، کورتەیەکا بەرفرەه بۆ شاندی دەربارەی میکانیزمێن کارکرنێ د ناڤ تاقیگەهێن کۆمپانیێ دا هاتە پێشکێشکرن، کو وان رازیبوونا خۆ دەربارەی ئاستێ زانستی یێ تاقیکرنێن کو تێنە ئەنجامدان دەربڕی، و پەسنا هەولێن رێڤەبەری و کارمەندان دا. هەروەسا د سەرەدانێ دا گفتوگۆ د ناڤبەرا شاندی و تیمێ زانستی دا چێبوون، کو ب رێککەفتن لسەر دانانا پلانەکا هەڤکاریا هەڤپشک د ناڤبەرا تاقیگەهێن کۆمپانیێ و تاقیگەهێن وەزارەتا تەندروستیێ ل بەغدا دا دوماهیک هاتن. ئەڤ هەڤکاریە دێ لدویڤ پیڤەرێن عیراقی یێن تاقیکرنێن تاقیگەهی لسەر کەلوپەلێن هناردەکری و ناڤخۆیی هێتە جێبەجێکرن.

8

سەرەدانا شاندەکێ ژ زانکۆیا زاخۆ بۆ تاقیگەهێن کۆمپانیا نیو ستاندارد ل دەرگەهێ ئیبراهیم خەلیل یێ نێڤدەولەتی

شاندەکێ ژ زانکۆیا زاخۆ سەرەدانا تاقیگەهێن کۆمپانیا نیو ستاندارد یا چاڤدێریا کوالیتێ ل دەرگەهێ ئیبراهیم خەلیل یێ نێڤدەولەتی کر. رێڤەبەرێ کۆمپانیێ، دگەل هاریکارێن خۆ و لیژنا زانستی یا تاقیگەهێ، ب گەرمی پێشوازی ل وان کر. سەرەدانێ گەڕیانەکا یا تاقیگەهێن کۆمپانیێ ل ناڤ کۆمەلگەهێ ڤەگرت، و شاندی سوپاسیا خۆ بۆ ئاستێ بلند یێ پێشکەفتنا تەکنیکی و زانستی یا کو تاقیگەهێن کۆمپانیێ بدەستڤەئینای دەربڕی.

1

کۆمبوون د ناڤبەرا دەستەیا ناڤەندی یا پیڤەرسازی و کۆنترۆلا جۆری ل بەغدا و کۆمپانیا نیو ستاندارد یا چاڤدێریا کوالیتێ ل دەرگەهێ ئیبراهیم خەلیل یێ نێڤدەولەتی دا

کۆمبوونەک د ناڤبەرا شاندەکێ ژ دەستەیا ناڤەندی یا پیڤەرسازی و کۆنترۆلا جۆری ل بەغدا و نوێنەرێن کۆمپانیا نیو ستاندارد یا چاڤدێریا کوالیتێ ل دەرگەهێ ئیبراهیم خەلیل یێ نێڤدەولەتی دا هاتە گرێدان. د دەمێ کۆمبوونێ دا، شرۆڤەکرنەک بۆ شاندی دەربارەی ئامیرێن تاقیگەهی یێن بەردەست و پرۆسێسێن شرۆڤەکرنێ یێن کو تێنە ئەنجامدان هاتە پێشکێشکرن، کو رێ ڤەکر بۆ گەهشتنا رێککەفتنەکێ بۆ چالاککرنا هەڤکاری و پەیوەندیا بەردەوام د ناڤبەرا هەردوو لایەنان دا. هەروەسا پلان بۆ قۆناغا داهاتی هاتنە دانان، کو تێدا سەرەدانێن دووالیەنە ژ دەستەیا ناڤەندی بۆ دیتنا نوویترین تایبەتمەندیێن عیراقی، و چالاککرنا هەولێن هەڤپشک ب رێکا کارگەهان و سەرەدانێن دووالیەنە هەبوون. ئەڤ هەڤکاریە دئارمانج دە کو پتەوکرن و یەکگرتنکرنا رێکارێن پەیوەندیدار ب پاراستنا تەندروستی و سەلامەتیا هاوەلاتیان بکەت.

1

راهێنان لسەر ICP-OES: شرۆڤەکرنا کانزایێن گران و رەگەزێن کێم د بەرهەمێن جۆراوجۆر دا

راهێنان جەخت لسەر بکارئینانا تەکنیکا شرۆڤەکرنا دەرکەفتنا رۆناهیا پلازما یا هەڤپێچای (ICP-OES) دکەت، کو ئامیرەکێ گرنگە بۆ دیارکرنا کانزایێن گران و رەگەزێن کێم د ناڤ کۆمەکا بەرفرەه یا بەرهەمان دا. ئەڤ بەرهەمە دڤەگرن خوارنێن (هەم رەق و هەم شل)، بەرهەمێن ڤێتەرنەری (وەک گۆشت و شیر)، بەرهەمێن چاندنێ (پەین، ژەهرێن کێزیکان، بەرهەمێن روەک و ئاخێ)، ئاڤ و ئاڤا گەنی، بەرهەمێن پێترۆلێ، دەرمان، و گەلەک لایەنێن ژینگەهی. بەشداربوو دێ زانین و شیانێن بەرفرەه بدەستڤەئینن د بکارئینانا ICP-OES دا بۆ شرۆڤەکرنەکا راست و باوەرپێکری.

1

ژناڤبرنا پتاتێن کیفکویی

٣٣ بارهەلگرێن کەرستێ پتاتێ کو پێکهاتیبوو ژ ٧٥٣ تونا بۆ چێکرنا چپسا بهێنە بکارئینان، كةهشتنە کومەلگەها دەروازێ نێڤدەولەتی ئیبراهیم خەلیل، پشتی کو هاتینە ڤەدیتن ژلایێ گەرەنتینا چاندنێ وپشکنینا تاقیگەهێ، دیاربوو کو ئەو پتات یێن توشی ئاتافێن چاندنێ بووینه وبریار هاتەدان بهێنە ژناڤبرن. ل رۆژێن ٩ و١٢ و١٣/٥/٢٠١٩ وب ئامادەبوونا نوینەرێن گومرکێ وگەرەنتینا چاندنێ وتاقیگەهێ ولایەنێ ئەمنی ئەو بارە هاتە ژناڤبرن.