4

پالپشتیا تاقیگەها مەلبەندی بۆ ئەنجامدانا پشکنینا ڤایروسێ کۆرۆنا

بەشداربونا چالاک

ب مەرەما پشکداریا زانستی د هەوا خۆپاراستن و رێگریکرن ژ بەڵاڤبوونا ڤایروسێ کۆرۆنا، کومپانیا مە پالپشتیا تاقیگەها مەلبەندی بۆ شروڤەکرنا نەخۆشیان کر ل پارێزگەها دهوکێ ب دابینکرنا کیتێن پێدڤی بۆ ئەنجامدانا پشکنینێن تایبەت ب ڤایروسێ کۆرۆنا، کو بۆ جارا ئێکێ یە ئەو جورە پشکنین ل پارێزگەها دهوکێ دهێنە ئەنجامدان ژبۆ ڤەدیتنا COVID-19 (Novel Coronavirus 2019 -nCoV) ب رێکا ئامیرێ Real-time PCR. د کونگرەکێ رۆژنامەڤانیدا بەرێز رێڤەبەرێ گشتی یێ ساخلەمیا پارێزگەها دهوکێ رێز و سوپاسی ئاراستەی کومپانیا مە کرن بۆ ئەڤێ پێنگاڤێ.

4

سەرەدانا نوینەرێ ئەنجومەنی وەزیران ل هەرێما کوردستانێ

شاند

بەرێز (د. حەکیم خوشەڤی) پسپورێ برێڤەبرنا لسەر کوالیتی وپێشخستنا شیانێن مرۆڤیی و نوینەرێ ئەنجومەنی وەزیران ل هەرێما کوردستانێ، سەرەدانا تاقیگەهێن کومپانیێ کر ل کومەلگەها دەروازێ نێڤدەولەتی ئیبراهیم خەلیل و هاتنە پێشوازیکرن ژلایێ بەرێز سەرپەرشتێ لابورا کومەلگەهێ و ستافێ کارگێری و زانستی یێ لابورا. بەرێز نوینەرێ ئەنجومەنی وەزیران خوشحالیا خۆ دەربری ودەست خوشی ل ستافی کر لسەر چەوانیا ئەنجامدانا کاری ل لابورێ وجەخت کر لسەر پێشڤەبرنا خالێن ئەرێنی و راوەستیان لسەر خالێن نەرێنی، ئەگەر هەبن.

4

شاندێ وەزارەتا ناڤخۆ سەرەدانا تاقیگەهێن کۆمپانیا نیو ستاندارد دکەت

شاند

شاندەک ژ وەزارەتا ناڤخۆ، یێ کو ژ لایێ سەرۆکاتیا ئەنجوومەنا وەزیران یا حکوومەتا هەرێما کوردستانێ ڤە هاتیە دەستنیشانکرن، سەرەدانا تاقیگەهێن کۆمپانیا نیو ستاندارد ل دەرگەهێ نێڤدەولەتی یێ ئیبراهیم خەلیل کر. ئارمانجا سەرەدانێ چاڤدێریکرنا سیستەمێن کۆنترۆلێ و رێکارێن تاقیکرنێ یێن کەرەستەیێن هناردەکری ل سەر سنۆری بوو.

9

سەرەدانا هاریکارێ سەرۆکێ حکومەتا هەرێما کوردستانێ

شاند

بەرێز (د. محمد حاجی) هاریکارێ سەرۆکێ حکومەتا هەرێما کوردستانێ بۆ کاروبارێن تەندروستی و ب یاوەریا بەرێز (د. گوران میرزا) رێڤەبرێ لابورا مەلبەندی KMCA ل هەولێرێ، سەرەدانا تاقیگەهێن کومپانیێ کرن ل کومەلگەها دەروازێ نێڤدەولەتی ئیبراهیم خەلیل کر وهاتنە پێشوازیکرن ژلایێ بەرێزان سەرپەرشتێ لابورا کومەلگەهێ و جێگرێ سەرپەرشتێ کومەلگەهێ و ستافێ کارگێری و زانستی ل لابورێ، دیسان یاوەریا شاندێ مێهڤان هاتە کرن ژبۆ سەرەدانا پرۆژێ DPD ل دەڤەرا سێجێ و ژنێزێک هایداربوو لسەر سیستەمێ کاری ل پرۆژێ ناڤبری. هەروەسا سەرەدانەکا هەڤپشک هاتە ئەنجامدان بۆ رێڤەبەریا گشتی یا ساخلەمیێ ل پارێزگەها دهوکێ ب مەرەما هەماهەنگی و رێکخستنا کارێ پشکنینا خوراک و دەرمانێن هاوردە د رێکا سنورێ نێڤدەولەتی ئیبراهیم خەلیل

1

تيمێ کۆمپانیا نیو ستاندارد بەشداری د خولەکا راهێنانێ یا پشکنینا قركرێن کیمیایی دا ل ئیستەنبولێ دکەت

راهێنان

تیمەک ژ شیرەتکار وپشکینەرێن تاقیگەهێن کومپانیێ پشکداری کر د خۆلەکێ دا لدور بەرهەڤکرنا نموونا بۆ پشکنینا قڕکەرێن کیمیکی د بەرهەمێن چاندنێ و خوارنێ دا، ئەوا کو هاتیە رێکخستن ژلایێ کومپانیا ئینتەرتێک یا بەریتانی ڤە ل وەلاتێ تورکیا/ئیستەنبول.

2

خۆلا بەرهەڤکرنا هەلسەنگێنەرێت لابورا یا سالوخەتا (ISO:17025:2017)

وورکشوپ

لسەر داخوازا وه‌زاره‌تا نه‌فتا عيراقێ، شاندەکێ کارمەندێن سەر ب وەزارەتا ناڤبری ڤە كو پێكهاتبوو ژ (٣٩) كارمه‌ندان سەرەدانا لابورێن كۆمپانى یا مەکر ل کۆمەڵگەها دەروازێ نێڤدەولەتی ئیبراهیم خەلیل ل رۆژيت ١٥و١٦و١٧/٩/٢٠١٩، ب مەرەما پشکداریکرن د وورك شۆپه‌كا پراكتيكى يا (٥) پينچ ڕۆژى دا ل رێكه‌فتى ١٥- ١٩/٩/٢٠١٩ لژێر ناڤێ (بنه‌جهبوون و پشتراستبوون ژ رێكێن پيڤانێ) ژ پرۆگرامێ ئاماده‌كرنا هه‌لسه‌نگێنه‌رێن لابورا لدويف سالۆخه‌تا (ISO:17025:2017).پشتى سه‌ره‌دانا لابورێن كۆمپانىێ‌كرين و ژنێزيك ئاگه‌هدارى چه‌وانى يا ئه‌نجامدان وبرێڤه‌چوون ورێكخستنا كارى بووين، كۆ ژلايێ كارمه‌ندێن لابورێن مه‌ ڤه‌ بۆ هاتيه‌ شرۆڤه‌كرن، خۆشحالى يا خۆ ده‌ربڕین لسه‌ر ڕێكوپێكى يا برێڤه‌چوونا كارى. پاشان چه‌وانى يا هه‌ژماركرنا بنه‌جهبوون وپشتراستبونێ ژ رێكێن پيڤانێ، بۆ هاتە شرۆڤەکرن ب پشكدارى يا كارمه‌ندێن مه‌ وكارمه‌ندێن كۆمپانى يا ئينته‌رتێك يا هه‌پشكا كۆمپانى يامه‌ دكارى دا لدويڤ پێدڤیا هەماهەنگیا هەڤپشک، پشتى هينگێ دان وستاندن هاته‌ ‌كرن وپرسيار هاتنه‌ ئازراندن وبه‌رسڤا وان ب روونى هاته‌ دان.

4

سەرەدانا بەرێز وه‌زیرا کشتوكال و ژێدەرێن ئاڤێ بۆ لابورێن كومپانیا نیوستانده‌رد ل دەروازێ نێڤدەولەتی ئیبراهیم خەلیل

شاند

بەرێز وه‌زیرا کشتوكال و ژێدەرێن ئاڤێ خانم (بێگه‌رد تاڵه‌بانى) و ب ئامادەبوونا به‌رێز سەرپەرشتێ کومەلگەها ده‌روازێ نێڤده‌وله‌تى ئیبراهیم خه‌لیل و رێڤه‌به‌رێ گومركا ئیبراهیم خه‌لیل دگه‌ل به‌رپرسێن گه‌ره‌نتینێن كومه‌لگه‌هێ سەرەدانا لابورێن كومپانیا نیوستاندارد کر ل دەروازێ نێڤدەولەتی ئیبراهیم خەلیل و هاتنه‌ پێشوازیكرن ژلایێ به‌رێز رێڤه‌به‌رێ كومپانیێ.nمه‌ره‌م ژ ڤێ سه‌ره‌دانێ ئه‌و بو كو ژ نێزیك ره‌وشا لابورێن كومپانیێ و چاوانیا برێڤه‌برن و ئه‌نجامدانا كارى ل لابورێن كومپانیێ و گه‌ره‌تینێن گرێدایى ب لابورێ ڤه‌، خانم بٍێگه‌رد تاڵه‌بانى پشته‌ڤانیا خۆ دیاركر بۆ كومپانیێ ژبۆ پێكڤه‌ چاره‌سه‌ركرنا هه‌ر گرفت و ئاریشه‌كێ، هه‌روه‌سا پالیشتیا وه‌زاره‌تا کشتوکالێ ژبۆ زێده‌تر گرنگیدان ب‌ كوالیتى كونترولێ وپشکنینا کەرەستە وبەرهەمێن چاندنێ یێن هاوردەکری و دوپاتكردنا رۆلێ تاقیگه‌هێن كومپانیێ وفه‌رمانبه‌رێن سه‌ر ب لابور و یه‌كه‌یێن لابورێ ڤە به‌رز نرخاند ب تایبه‌تى رۆلێ به‌رێز رێڤه‌به‌رێ كومپانیێ وستافێ لابوران كو ب دلسوزى و ماندیبونه‌كا زۆر كار كریه‌ و ئاسته‌كێ به‌رز پێشكێش كریه‌.

4

سەرەدانا شاندێ پشکا خۆپاراستنێ تەندروستی ل هەردوو پارێزگەهێن هەولێر وسلێمانیێ بۆ لابورێن كومپانیا نیوستانده‌رد

شاند

بەرێز رێڤەبەرێ کومپانیێ ل دەروازێ نێڤدەولەتی ئیبراهیم خەلیل پێشوازیا شاندەکی کر ژ پشکا خوپاراستنا تەندروستی ژ رێڤەبەریێن گشتی یێن تەندروستی ل پارێزگەهێن هەولێر وسلێمانیێ. پشتی کو شاندێ مێهڤان میکانزما کاری ل لابورێن کومپانیێ دیتی، گەنگەشێن تێروتەسەل هاتنە ئەنجامدان سەبارەت کەتوارێ کارێ زانستی وپشکنینێن لابوری یێن دهێنە ئەنجامدان ب ئاستێن زانستی یێن نوی وب ئامیرێن سەردەم، وژبەر وێ چەندێ رێککەفتن هاتەکرن لدور ئالوگورکرنا شارەزایێن زانستی وبەردەوامیا زانستی دناڤبەرا شاندێ مێهڤان وستافێ زانستی یێ لابورێن مە ب مەرەما ئێکخستنا سیستەمێ کارپێکری ل هەمی پارێزگەهێن هەرێما کوردستانێ.

8

سەرەدانا شاندەکێ ژ وەزارەتا تەندروستیا عیراقێ بۆ تاقیگەهێن نیو ستاندارد ل دەرگەهێ ئیبراهیم خەلیل یێ نێڤدەولەتی

شاند

رێڤەبەرێ کۆمپانیا نیو ستاندارد ب گەرمی پێشوازی ل شاندەکێ ژ وەزارەتا تەندروستیا عیراقێ کر ل دەرگەهێ ئیبراهیم خەلیل یێ نێڤدەولەتی. د دەمێ سەرەدانێ دا، کورتەیەکا بەرفرەه بۆ شاندی دەربارەی میکانیزمێن کارکرنێ د ناڤ تاقیگەهێن کۆمپانیێ دا هاتە پێشکێشکرن، کو وان رازیبوونا خۆ دەربارەی ئاستێ زانستی یێ تاقیکرنێن کو تێنە ئەنجامدان دەربڕی، و پەسنا هەولێن رێڤەبەری و کارمەندان دا. هەروەسا د سەرەدانێ دا گفتوگۆ د ناڤبەرا شاندی و تیمێ زانستی دا چێبوون، کو ب رێککەفتن لسەر دانانا پلانەکا هەڤکاریا هەڤپشک د ناڤبەرا تاقیگەهێن کۆمپانیێ و تاقیگەهێن وەزارەتا تەندروستیێ ل بەغدا دا دوماهیک هاتن. ئەڤ هەڤکاریە دێ لدویڤ پیڤەرێن عیراقی یێن تاقیکرنێن تاقیگەهی لسەر کەلوپەلێن هناردەکری و ناڤخۆیی هێتە جێبەجێکرن.

8

سەرەدانا شاندەکێ ژ زانکۆیا زاخۆ بۆ تاقیگەهێن کۆمپانیا نیو ستاندارد ل دەرگەهێ ئیبراهیم خەلیل یێ نێڤدەولەتی

شاند

شاندەکێ ژ زانکۆیا زاخۆ سەرەدانا تاقیگەهێن کۆمپانیا نیو ستاندارد یا چاڤدێریا کوالیتێ ل دەرگەهێ ئیبراهیم خەلیل یێ نێڤدەولەتی کر. رێڤەبەرێ کۆمپانیێ، دگەل هاریکارێن خۆ و لیژنا زانستی یا تاقیگەهێ، ب گەرمی پێشوازی ل وان کر. سەرەدانێ گەڕیانەکا یا تاقیگەهێن کۆمپانیێ ل ناڤ کۆمەلگەهێ ڤەگرت، و شاندی سوپاسیا خۆ بۆ ئاستێ بلند یێ پێشکەفتنا تەکنیکی و زانستی یا کو تاقیگەهێن کۆمپانیێ بدەستڤەئینای دەربڕی.