مزگینی بۆ جوتیار و بازرگانێن کوردستانێ

تاقیگەها نیوستاندارد بەلگەناما نێڤدەولەتی وەرگرت.

پشتی سەرەدانا سەروکێ ئەنجوومەنێ وەزیران بەرێز (مسرور بارزانى) بو دەڤەرا بادینان و سوزدانا جەنابێ وى بو جوتیارێن کوردستانێ کو هەمی رێکارا بداننە بەر ژبو هنارتنا بەرهەمێ وان بو دەولەتێن کەنداڤی. ددویفدا لیژنەکا تایبەت ژ نڤێسینگەها تایبەتا جەنابێ وی سەرەدانا تاقیگەها مە کر لابراهیم

ژبو ڤێ مەرەمێ، مە وەکو رێڤەبەریا تاقیگەهێ پشکدارى د کونفرانسێ (EFQM) دا کر لوەلاتێ ئیماراتا عەرەبی و لوێرێ مە ٦ روینشتنێن جودا دگەل کەسایەتیێن پەیوەندیدار یێن پرانیا وەلاتێن کەنداڤی کر و داخازا وانا ئەوبو کو تاقیگەها مە دڤێت باوەرناما (ILAC) هەبیت ژ سازیەکا نیڤدەولەتى یا باوەرپێکری. دڤی بیاڤی دا مە ل مەها ١٠ سالا ٢٠٢٣ پەیوەندی بدەستەیا اعتمادا اردنی (JAS) کر ودڤی ماوەی دا چەندین سەرەدان و کار ژهەردوو لایان ڤه هاتنە ئەنجام دان تا ئەڤرو برەنگەکێ فەرمى ئەم هاتینە ئاگەهدار کرنا ب بریارا دانا ڤێ باوەرنامێ.

لدەمەکی ئەم وەکو رێڤەبەریا نیوستاندر شانازیێ بستافێ خو یێ کارى دبەین بڤێ دەستکەفتا مەزن و بێ وێنە ل عیراقێ، ئەم پیروزیێ و مزگینیێ ددەینه هەمى جوتيار و بازرگانێن فێقی کو دشێن نوکه ب پشتراستى فێقی بهنێرنە دەرڤەى کوردستانێ پشتى کو دهێته پشکنین کرن ژلایێ تاقیگەها مە ڤە دگەل هیڤیا وێ چەندێ ئەڤ کارە دخزمەتا تەخا جوتیارا دا بیت و چەسپاندنەک بیت بو دید و سوزا سەروکێ حوکمەتێ بەرێز (مسرور بارزانى) بو جوتیارێن کوردستانێ... دگەل رێزگرتنێ.

د. ازاد عبدالله ميرخان

سەرپەرشـــــتیارى گشتى تاقيگەکان

٢٠٢٤/٠٨/٠٥