کۆمپانیا نیو ستاندارد ب دلخۆشی رادگەهینیت کو بروگرامه‌كێ بەرفرەه بۆ جێبەجێکرنا پیڤەرێن ئایزۆ، ب هەڤکاری دگەل رێکخراوا ئەورۆپی یا بەرێڤەبرنا کوالیتەیێ (EFQM) و ئاژانسا کوردستانێ یا رێکخستنێ (KAN) دەست پێ دکەت. ئەڤە پشتی سەرەدانا شاندەکێ ژ رێکخراوا ئەورۆپی یا بەرێڤەبرنا کوالیتەیێ بۆ تاقیگەهێن کۆمپانیا نیو ستاندارد ل دەرگەهێ سنووری یێ نێڤدەولەتی یێ ئیبراهیم خەلیل و دەڤەرا سێجی، هەروەسا فڕۆکەخانا نێڤدەولەتی یا هەولێرێ هات.
بەرنامە دێ سێ پیڤەرێن سەرەکی یێن ئایزۆ ڤەگریت:
• ISO 9001: دامەزراندنا سیستەمەکێ بهێز یێ بەرێڤەبرنا کوالیتەیێ کو گرنگیێ ددەتە رازیبوونا کڕیاران و باشترکرنا بەردەوام
• ISO 14001: دابینکرنا چارچۆڤەیەکێ رێکخستی بۆ بەرێڤەبرنا کاریگەر یا ژینگەهێ.
• ISO 45001: دانانا پێداویستیان بۆ سیستەمەکێ بەرفرەه یا بەرێڤەبرنا تەندروستی و سەلامەتیا پیشەیی
ئەڤ هەڤكاریا ستراتیژی خالەکا وەرچەرخانێ یا گرنگه د رێکا مە دا بەرەڤ سەرکەفتنا کارکرنێ. ئەڤ دەستپێشخەریە جەختێ ل سەر پابەندبوونا مە یا جێگیر دکەت بۆ باشترکرنا رێبازێن کاری، دابینکرنا ژینگەهەکا بەرپرس، و گرنگیدان ب خۆشگوزەرانیا تیمێ کاری یێ مە. ئەم گەلەک کەیفخۆش ین ژ کاریگەریا ئەرێنی کو ئەڤ دەستپێشخەریە دێ ل سەر کۆمپانیێ و پیڤەرێن مە یێن کارکرنێ ل ئاستێ ناڤخۆیی و جیهانی د وارێن چاڤدێریکرنا کوالیتەیێ و خزمەتگوزاریێن تاقیگەهی دا چێکەت.
كوردى 
English 
العربية